10.8 C
Skopje, NM
15/06/2021
DailyNews.mk
Спорт

За малку рекорд – Џустино и Муте играа 6 часа и 4 минути, Надал фуриозен

„Кралот на земја“, Рафаел Надал го започна својот „поход“ кон 13-тата титула од Ролан Гарос со лесна победа од 6:4/6:4/6:2 над 83-рангираниот Белорусин Егор Герасимов во студениот понеделник во Париз, но најголемо внимание предизвика маратонскиот меч помеѓу двајца релативно непознати тенисери – Лоренцо Џустино и Корентин Муте.

Надал, кој пристигна во Париз, признавајќи дека ова е неговиот „најтежок“ Ролан Гарос, поради промената на вообичаениот пролетен термин и изборот на потешки топки, сепак, немаше проблеми против Герасимов за рутинска победа.

Додека траеше овој меч, 157-рангираниот Италијанец Џустино го довршуваше мечот против 71-рангираниот Французин Муте, во кој последниот петти сет траеше 3 часа и 2 минути, бидејќи Ролан Гарос остана единствениот гренд слем кој нема тај-брејк во последниот сет.

Квалификантот Џустино на крајот беше подобар со 0:6/7:6(7)/7:6(3)/2:6/18:16 по 6 часа и 4 минути игра, со што го одиграа вториот најдолг меч во историјата на Франција опен, по Клемен-Санторо во 2004, кога играа 6 часа и 33 минути. Апсолутен рекорд останува (и најверојатно ќе остане) мечот помеѓу Џон Изнер и Никола Мау на Вимблдон во 2010, кога Изнер победи со 6:4/3:6/6:7(7)/7:6(3)/70:68 по рекордни 11 часа и 5 минути играни во три дена.

Related posts

Левандовски ги победи Меси и Роналдо за наградата на ФИФА

Lea Musliju

Казната на Русија скратена на две години, остануваат без химна и знаме

Lea Musliju

Волејот на Ибрахимовиќ е најдобар гол во историјата на МЛС лигата

Lea Musliju

„Овој Манчестер јунајтед може да ја освои титулата“

Lea Musliju

Клоп ќе остане без омилениот „џокер“

Lea Musliju

Ривер Плејт го декласираа Насионал

Lea Musliju

This website uses cookies to improve your experience. We'll assume you're ok with this, but you can opt-out if you wish. Accept Read More