21.7 C
Skopje, NM
24/06/2021
DailyNews.mk
Ekonomi

Viti “historik” i bankave në Kosovë, fituan 86.2 milionë euro

Sektori bankar në vitin 2019, ngjashëm me vitet e fundit ka shënuar performancë mjaft të mirë financiare, duke mbajtur nivel të profitabilitetit dukshëm më të lartë se mesatarja historike.

Vlera neto e profitit të realizuar në vitin 2019 arriti në 86.2 milionë euro, për 2.0 përqind më e ulët se në vitin paraprak, thuhet në raportin vjetor të Bankës Qendrore të Kosovës (BQK) për vitin 2019, përcjell Buletini Ekonomik.

Të hyrat e sektorit bankar arritën vlerën prej 263.2 milionë euro dhe u karakterizuan me rritje vjetore prej 4.2 përqind. Kontributin kryesor në rritjen e të hyrave kishin ato prej interesi, gjegjësisht, të hyrat prej kredive, letrave me vlerë dhe plasmanëve në bankat tjera. Kurse, të hyrat nga jo interesi shënuan rënie krahasuar me vitin e kaluar, gjegjësisht të ardhurat tjera operative dhe tarifat e komisionet.

Shpenzimet e sektorit bankar arritën vlerën në 176.9 milionë euro dhe u karakterizuan me rritje vjetore prej 7.5 përqind. Shpenzimet u karakterizuan me rritje në pothuajse të gjitha kategoritë, por atributin kryesor në rritje e kishin shpenzimet për tarifë dhe komisione në kuadër të shpenzimeve të jo interesit; dhe shpenzimeve për depozita në kuadër të shpenzimeve të interesit. Rritja më e lartë e shpenzimeve krahasuar me rritjen e të hyrave ndikoi që raporti i shpenzimeve ndaj të hyrave të sektorit të rritet në krahasim me periudhën e njëjtë të vitit paraprak.

Related posts

SHBA kufizon eksportet për pesë kompani kineze, ishin të përfshira në shkeljen e të drejtave të njeriut

NEFAIL EMINI

Miliona njerëz u bënë milionerë gjatë pandemisë Covid

NEFAIL EMINI

“Forumi ekonomik Shkup”, debate për stabilitetin dhe bashkëpunimin në rajon, zhvillimi ekonomik

NEFAIL EMINI

OPEC pritet të diskutojnë rritjen e prodhimit të naftës për të përmbushur rritjen e kërkesës

NEFAIL EMINI

Kina u ka kërkuar bankave që të ndalojnë transaksionet me monedha virtuale

NEFAIL EMINI

Bitcoin shënon një tjetër rekord negativ

NEFAIL EMINI

This website uses cookies to improve your experience. We'll assume you're ok with this, but you can opt-out if you wish. Accept Read More