23.8 C
Skopje, NM
27/07/2021
DailyNews.mk
Maqedoni

Vaksinimi s’është i detyrueshëm për regjistruesit e popullsisë në Maqedoni, edhe pse mosvaksinimi ishte arsye për anulim

Shkup, 19 korrik – Nga dita e nesërme do të jetë i hapur konkursi për regjistrues dhe instruktorë rajonal. Enti Shtetëror për Statistika bën thirrje që të paraqiten në konkurs në mënyrë që të bëhen pjesë e ekipit të regjistrimit të popullsisë.

Vaksinimi nuk është parakusht për zgjedhjen e personave që zbatojnë regjistrimin në terren.

“Do të donim që regjistruesit të jenë të vaksinuar për shkak se kështu është më sigurt për të gjithë, por te ne vaksinimi nuk është i detyrueshëm dhe sipas kësaj, nëse zgjedhim kandidatët që janë vaksinuar do të ishte diskriminim klasik”, tha kreu i ESHS-së, Apostoll Simovski.

Ai tha se nëse regjistruesit do të pajtohen të pranojnë vaksinim gjatë periudhës së ardhshme ato do të organizojnë vaksinim.

Në pyetjen nëse MSH do të propozojë te Komisioni për Sëmundje Ngjitëse që regjistrues të ketë vetëm persona të vaksinuar, nga Ministria e Shëndetësisë nuk dhanë përgjigje, por vetëm thirrje për imunizim.

“Vaksinimi është i qasshëm për të gjithë qytetarë. Ministria e Shëndetësisë ofron mundësi për vaksinim edhe për personat të përfshirë në regjistrimin e popullatës dhe në bëjmë thirrje për vaksinim”, thonë nga MSH.

Ndryshe, pikërisht imunizimi i regjistruesve ishte arsyeja për anulim të regjistrimit të popullsisë i cili duhej të zbatohej në prill të këtij viti. OBRM-PDUKM atëherë kërkonte anulim të regjistrimin me qëllim që të lihet mjaftueshëm kohë deri në vjeshtë që të vaksinohen regjistruesit. Regjistrimi u anulua pas takimit me Zaev dhe Mickoskit në fund të muajit maj, ndërsa më pas Kuvendi anuloi regjistrimin dhe e shtyu për në vjeshtë.

Related posts

10 raste të reja me Covid, vdesin dy pacientë

Admin

Duxhak: Dyfishimi i përpjekjeve për kthim të vlerave për të cilat Ohri është vënë nën mbrojtje të UNESKO-s

Admin

Ganiu nikoqir i përfaqësuesve të ansambleve pjesmarrës në “Folk Fest 2021”

Admin

Lajm i mirë për shoferët, ulen çmimet e derivateve

Admin

Tearca së shpejti do të bëhet me rrjet kanalizimi fekal

Admin

Takim i Xhaferit me zëvendësministrin e Punëve të Jashtme të Italisë

Admin

This website uses cookies to improve your experience. We'll assume you're ok with this, but you can opt-out if you wish. Accept Read More