15.8 C
Skopje, NM
27/10/2021
DailyNews.mk
Bota

Trupat ushtarake ruse në kufi me Ukrainën/ SHBA: Jemi të shqetësuar, Rusia të shpjegojë provokimet

SHBA, e bindur në vërtetësinë e njoftimeve se Rusia po lëviz trupa ushtarake në kufirin me Ukrainën, i kërkoi Moskës të shpjegojë “provokimet”; gjithashtu Uashingtoni është i gatshëm të angazhohet në lidhje me këtë situatë, tha të hënën Departamenti i Shtetit.

Njoftimet për lëvizjen e trupave në kufi me Ukrainën lindore janë bërë një burim i ri tensionesh në marrëdhëniet e akullta SHBA-Rusi, më pak se tre muaj që ardhja në pushtet e administratës së re amerikane.

Zëdhënësi i Departamentit të Shetit, Ned Price tha në një konferencë për shtyp se SHBA do të shqetësohej nga çdo përpjekje e Moskës për të frikësuar Ukrainën, qoftë për masa që ndodhin në territor rus apo brenda kufirit ukrainas.

Ai nuk pranoi të thoshte nëse SHBA beson se Rusia po përgatitet të ndërhyjë ushtarakisht në Ukrainë.

Zëdhënësi Price tha më pas për agjencinë e lajmeve Reuters se SHBA janë “të hapura për angazhim me Moskën” lidhur me këtë situatë, duke i cilësuar të besueshme njoftimet për lëvizje të trupave ruse në kufirin me Ukrainën dhe në Krime, gadishulli që u aneksua nga Rusia në 2014.

Lëvizjes së trupave, tha zoti Price, i parapriu shkelja e armëpushimit të 2020 me Ukrainën, që ka rezultuar në vdekjen e katër ushtarëve ukrainas dhe plagosjen e katër të tjerëve.

“I bëjmë thirrje Rusisë të tregohet e frenuar dhe të shmangë aktet acaruese,” tha zëdhënësi.

Komentet e tij pasojnë një telefonatë të premten mes Presidentit Biden dhe homologut ukrainas Volodymyr Zelenskiy, në të cilën udhëheqësi amerikan e siguroi zotin Zelenskiy për “përkrahjen e patundur” të Amerikës në ballafaqimin me separatistët e mbështetur nga Rusia që kontrollojnë rajonin lindor të Donbasit.

Të hënën Rusia përgënjeshtroi njoftimet se lëvizja e trupave përbën kërcënim për Ukrainën, duke hedhur poshtë shqetësimet për përforcime ushtarake në kufi, por njëkohësisht duke u zotuar se do të kundërpërgjigjet kundër sanksioneve ukrainase ndaj kompanive ruse.

Zëdhënësja e Shtëpisë së Bardhë Jen Psaki tha në komentet për shtyp se Shtetet e Bashkuara po e ndjekin me vëmendje situatën.

“Kemi kërkuar shpjegime nga Rusia për këto provokime,” tha zëdhënësi i Departamentit të Shtetit, Price. I pyetur nëse lëvizja e trupave përbën frikësim për Ukrainën, zoti Price u përgjigj: “Pa diskutim. Rusët prej kohësh janë përpjekur të frikësojnë dhe ushtrojnë bulizëm mbi fqinjët”.

Perëndimi, Ukraina dhe NATO e akuzojnë Rusinë se po dërgon trupa dhe armatime të rënda në kufi për t’u dhënë zemër separatistëve. Moska thotë se thjesht u ofron atyre mbështetje humanitare./VOA/

Related posts

Është zyrtare – largimi i kancelares Angela Merkel

Admin

Aksion i përbashkët europiano-amerikan: Arrestohen 150 persona, konfiskohen 31 milionë dollarë

Admin

Zgjidhja e problemit të kaosit në trafik, aeroportet italiane dhe ato franceze me infrastrukturë për taksitë fluturues

Admin

Gruaja e parë me ngjyrë në Bundestag – kush është Awet Tesfaiesus

Admin

Barbel Bas zgjidhet presidente e re e Bundestagut

Admin

Inteligjenca amerikane: Shteti Islamik mund ta sulmojë SHBA-në

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com