-1.2 C
Skopje, NM
26/10/2021
DailyNews.mk
Bota Përzgjedhjе nga redaktori

Trampi do të largohet nga Shtëpia e Bardhë katër orë para inaugurimit të Bajdenit

Presidenti amerikane në largim, Donald Tramp do të largohet nga Uashingtoni katër orë para inaugurimit të presidentit të ri të zgjedhur, Xho Bajdeni, kumtoi Shtëpia e Bardhë.

Tramp dhe zonja e parë, Melania Tramp do të shkojnë në Florida në orën 8 sipas kohës lokale.

Paraprakisht Trampi kumtoi se nuk do të marrë pjesë në inaugurimin e Bajdenit.

Ceremonia është caktuar për pasdite, sipas kohës lokale. Rreth 20.000 anëtarë të Gardës Kombëtare janë në Uashington. Masat e sigurisë në qytet janë drakoniane.

Sipas Si En En Trampi ka kërkuar të dërgohet me qilim të kuq, orkestër ushtarake dhe qitje nderi prej 21 pushkëve. Deri më tani nuk është bërë e ditur nëse kërkesa e tij do të plotësohet, para se ta fillojë jetën e tij post-presidenciale në gold resortin e tij Mar a Lago në Palm Biç.

Vetëm disa orë para largimit nga detyra, Trampi e fali edhe ish-strategun e tij kryesor, Stiv Banon. Në kumtesën nga Shtëpia e Bardhë theksohet se lista me falje përmban 73 emra, si dhe 70 të cilëve u është ulur dënimi. Mes të falurve është edhe Eliot Broidi, ish-bashkëpunëtor për mbledhje të fondeve financiare për Trampin, i cili vitin e kaluar u deklarua fajtor për shkeljen e ligjeve për lobime të huaja dhe ish-kryetarin e Detroitit, Kvame Kilpatrik, i cili vuante dënim me burg prej 28 vitesh me akuzë për korrupsion. Reperët Lil Vejn dhe Kodal Blej, të cilët ishin të ndjekur penalisht për vepra federale për armë, gjithashtu morën falje.

Megjithatë, numër i madh i personave për të cilët kishte spekulime se do të falen, nuk u paraqitën në listën e fundit të presidentit, përfshirë Rudi Xhulijani, Xhulijan Asanzh, Edvard Snouden dhe Xho Ekzotik. Trampi, gjithashtu, përkundër thashethemeve, nuk ka nënshkruar falje për veten ose anëtarët e familjes së tij.

Related posts

EMA miratoi dozën e tretë të vaksinës Moderna

Admin

Miliona doreza të papastra dhe të përdorura nga Tajlanda janë futur në SHBA si për të reja

Admin

Pamje rrëqethëse nga droni në La Palma, destinacioni i preferuar turistik shkatërrohet nga zjarri dhe hiri i llavës

Admin

Putin urdhëron masa të reja për të luftuar koronavirusin

Admin

OKB: Gazrat serrë shënuan rekord në vitin 2020

Admin

Dhjetë vjet burgim për ish-pjesëtaren gjermane të Shtetit Islamik

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com