5.8 C
Skopje, NM
22/10/2021
DailyNews.mk
Rajoni

Tërmetet tronditin Greqinë, shemben shtëpi e shkolla

Tërmeti i fuqishëm prej 6 ballësh shkalla Rihter që tronditi të mërkurën rajonin e Larisës, në qendër të Greqisë, dëmtoi shtëpi, automjete dhe detyroi njerëzit të braktisnin banesat e tyre.

Nga frika e lëkundjeve me mijëra qytetarë grekë e kaluan natën jashtë, ndërsa ushtria ngriti tenda për të gjithë ata që kishin nevojë.

Banorëve të rrezikuar iu ofrua ushqim dhe veshje, por ata kërkojnë siguri se ku dotë banojnë tashmë, njofton euronews.albania.

“Shtëpitë janë në një gjendje shumë të keqe dhe ne nuk dimë ku të shkojmë ose çfarë të bëjmë. Në këtë moment, autobusët do të na dërgojnë në një hotel në Trikala për të fjetur një natë.

Për fat të mirë, ushtria erdhi këtu, ata gjithashtu na sollën ujë për të pirë por tani ekspertët duhet të vijnë dhe të shohin shtëpitë për të ditur nëse mund të qëndrojmë përsëri brenda, sepse nëse nuk mundemi, atëherë çfarë do të bëjmë?” thotw njw banor vendas.

Në fshatin Damasi, ku jetojnë rreth 1.500 banorë, shkolla dhe disa shtëpi pësuan dëme të mëdha, pasi çatitë u shembën dhe muret u rrëzuan, disa prej tyre duke rënë mbi automjete të parkuara.

Banorët e fshatit u evakuuan dhe u dërguan në stadiumin lokal të futbollit.

Për fat të mirë nga tërmeti nuk ka pasur viktima, apo lëndime serioze.

Sizmologët grekë deklaruan se lëkundja e fuqishme u pasua nga disa dridhje të tokës dhe sugjeruan që shkollat të qëndrojnë të mbyllura në ditët e ardhshme.

Related posts

Zjarret në Shqipëri, situata mbetet kritike në Dukat

Admin

Hotelet e Tiranës janë plot, turistë edhe nga Lindja e Mesme

Admin

Rritja e rasteve me coronavirus, 1,659 raste janë aktive

Admin

Vazhdojnë pritjet e gjata në pikat kufitare, tri orë pritje në Merdarë për të dalë nga Kosova

Admin

Arsyet se përse po shtyhet regjistrimi i popullsisë

Admin

Humb jetën nga coronavirus një zyrtar policor

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com