21.7 C
Skopje, NM
24/06/2021
DailyNews.mk
Избор од уредникот Регион

Тачи во Вашингтон и Брисел изнесе ултиматум за Србија

Косовскиот претседател Хашим Тачи кажа дека во Брисел и Вашингтон побарал дијалогот меѓу Белград и Приштина да има само една точна – прашањето на заемно признавање.

Тачи, кој во моментов престојува во САД, истакна дека добил полна поддршка за евроатлантските интеграции на Косово.

„Можам да кажам дека по посетата која ја имав минатата недела во Брисел, каде со специјалниот претставник на ЕУ разговарав за прашањето на дијалогот на Косово и Србија, беше неопходно да отпатувам во САД. Во Вашингтон го имав особеното задоволство да разговарам со функционери на Стејт департментот и други функционери на американската влада за чекорите кои Косово мора да ги преземе сега, но и во иднина“, кажа Тачи.

Тој истакна дека „САД продолжуваат силно да го поддржуваат Косово во внатрешниот развој и во институционалната стабилност“ и додаде дека Приштина ќе остане најверниот американски сојузник во регионот.

„Соработката со САД е продолжение на нашите стратегиски определби, но она што морам да ги истакнам е дека и на функционерите во Брисел и во Вашингтон јасно им кажав дека прашањето на дијалогот меѓу Косово и Србија влезе во нова фаза и дека треба да има само една точка на дневниот ред, таа за заемно признавање меѓу Косово и Србија, а дури потоа останатите прашања. Мора да го продолжиме овој процес почнувајќи од главната тема, а не од опашката“, заклучи Тачи.

Белград: Тачи не е за дијалог, неговиот потпис не важи

Директорот на Канцеларијата за Косово и Метохија на српската влада Петар Петковиќ изјави дека косовскиот претседател Хашим Тачи со изјавата дека „заемното признавање“ би требало да биде единствената точка на дијалогот на Белград и Приштина, уште една покажал дека е суштински против дијалогот.

Во соопштението за јавноста тој додаде дека со тоа Тачи потврдил и дека ништо не вреди „неговиот потпис пред лицето на ЕУ, со кој се обврза на формирање Зедница на српските општини“ на Косово и Метохија.

Петковиќ истакна дека дијалогот не може, наспроти тоа што си го замислува Тачи, да има однапред дефиниран резултат и дека за тоа се свесни и во Вашингтон и во Белград.

„Со своите маневри и избегнувања од себе не можат да ја тргнат седум и пол години нереализираната обврска за формирање Зедница на српски општини, и тоа е тема која нема да успеат да ја тргнат од масата со никаква политичка и допломатска гимнастика“, оцени Петковиќ.

„Заедницата на српски општини и непочитувањето на Бриселскиот договор од страна на Приштина ќе биде нашата прва тема при секое одење во Брисел, и никој нека не негува нерални очекувања за напредок на дијалогот сѐ додека таа тема не биде исполнета“, истакна директорот на Канцеларијата за КиМ.

Related posts

Пратениците изгласаа продолжување на кризната состојба и прва фаза од законот за попис

Admin

Брисел: Последните нацрт заклучоци за проширување содржат „погрешно толкување на историјата”

Admin

Бугарија го блокира потпишувањето на договор со Фронтекс поради македонскиот јазик

Admin

Совет на амбасадори: Со воведување и второ државјанство за кандидатите за амбасадори се уриваваат темелите на државата

Admin

Лавров: Русија има добри односи со Хрватска

Admin

Транспаренси Интернешнл објави извештај за заробеноста на државите од Западен Балкан и Турција

Admin

This website uses cookies to improve your experience. We'll assume you're ok with this, but you can opt-out if you wish. Accept Read More