DailyNews.mk
Избор од уредникот Политика

Средба Бесими – Река: Реализацијата на инфраструктурните проекти клучна за зголемување на економската соработка

Продлабочување на добрососедските односи и реализација на инфраструктурните проекти што ќе доведат до зголемување на економската соработка помеѓу Северна Македонија и Албанија, беа тема на разговор на денешната средба помеѓу министерот за финансии Фатмир Бесими и албанскиот амбасадор во земјава Фатос Река.

– Билатералната соработка со Албанија е на завидно ниво. Во моментов се работи на реализација на инфраструктурни проекти коишто ќе ја зголемат економската активност и ќе овозможат зголемен број вработувања. Ова се приоритетите на кои активно работиме. Воедно гледаме можност и за зголемување на трговската размена. Во овој дел позитивно влијание ќе има проектот за „Олеснување на трговијата во Западен Балкан“ на Светска банка, во чии рамки се предвидува целосна реконструкција на граничниот премин Ќафасан, како поддршка за воспоставување „one stop shop“, а за што веќе се водат преговори на меѓувладино ниво, истакнал Бесими на средбата.

Како што соопшти Министерството за финансии, на средбата станало збор за важноста од реализација на инфраструктурните проекти како што е патниот правец Струга – Ќафасан, за што наредниот месец треба да биде распишан тендер за целосна реконструкција и проширување, како и изградбата на железничката пруга Кичево – Лин (граница со Албанија), како дел од паневропскиот Коридор 8. Во рамки на енергетиката, македонската Влада презема активности за изградба на 400 киловолтна интерконекција Битола-Елбасан. Проектот предвидува изградба на нова 400/110 киловолтна трафостаница во Охрид и далновод од ТС Битола 2 до границата со Албанија, додека албанската страна треба да изгради далновод од македонската граница до Елбасан.

Албанскиот амбасадор Река ја споменал важноста нашата држава да се вклучи во продолжување на автопатот „Арбр“ и на македонска територија, со што ќе се скрати растојанието од Тирана до Дебар за 100 километри, а пристаништето Драч ќе биде подостапно.

– Двете страни говореа и за придобивките од членството во НАТО, во чии рамки нашата држава годинава и официјално стана членка. Амбасадорот Река се осврна на придобивките што Албанија ги има од членството во НАТО. Албанија стана членка на НАТО во 2009 година, кога целиот свет беше зафатен од финансиска криза, но и во такви услови, странските директни инвестиции во периодот по пристапувањето во НАТО значително пораснаа. Странските директни инвестиции во Албанија пет години пред влезот во НАТО изнесуваа 5,5 проценти како процент од БДП, додека пет години потоа пораснаа на 9,1 проценти, се вели во соопштението од Министерството за финансии.

Во однос на надворешнотрговската размена со Албанија, таа во 2018 година е зголемена за 11 отсто, во 2019 е задржана на речиси истото ниво од претходната година, а во периодот од јануари до јули годинава размената со соседната држава бележи пад од 5 отсто. Притоа во трговската размена се забележува поголем извоз отколку увоз, при што суфицитот во 2019 година изнесува 4 милиони евра, а во периодот јануари – јули годинава, во услови на пад на трговската размена, суфицитот дури се зголеми и истиот изнесува 5,7 милиони евра.

Related posts

Пратениците изгласаа продолжување на кризната состојба и прва фаза од законот за попис

Admin

Брисел: Последните нацрт заклучоци за проширување содржат „погрешно толкување на историјата”

Admin

Бугарија го блокира потпишувањето на договор со Фронтекс поради македонскиот јазик

Admin

Совет на амбасадори: Со воведување и второ државјанство за кандидатите за амбасадори се уриваваат темелите на државата

Admin

Лавров: Русија има добри односи со Хрватска

Admin

Транспаренси Интернешнл објави извештај за заробеноста на државите од Западен Балкан и Турција

Admin

This website uses cookies to improve your experience. We'll assume you're ok with this, but you can opt-out if you wish. Accept Read More