24 C
Los Angeles
November 27, 2021
DailyNews – MK
Teknologji

Rusia gjobit kompaninë Google për shkelje të ligjeve të internetit

Një gjykatë ruse urdhëroi të hënën gjigantin e teknologjisë Google që të paguajë dy milionë rubla – apo 28,000 dollarë – për, siç tha, shkelje të rregullave të Rusisë për përmbajtjen e ndaluar.

Në muajt e fundit, gjykatat ruse kanë urdhëruar kompaninë Google të paguajë gjoba prej qindra mijëra dollarësh për, siç është thënë, mosfshirjen e përmbajtjes së ndaluar në motorin e saj të kërkimeve.

Gjykatat kanë gjobitur edhe platformat sociale Facebook, Twitter, WhatsApp, Telegram dhe TikTok për akuza të ngjashme.

Google e konfirmoi gjobën e shqiptuar të hënën, por nuk dha asnjë koment shtesë.

Presidenti rus, Vladimir Putin, i ka akuzuar platformat e mediave sociale dhe gjigantët e tjerë të teknologjisë për shpërfillje të ligjeve të internetit në Rusi.

Me këto ligje, mes tjerash, bëhen përpjekje që firmat e huaja të detyrohen të hapin zyra në Rusi dhe të ruajnë të dhënat personale të rusëve në territorin e saj.

Por, shumë kritikë thonë se me këto ligje, autoritetet përpiqen t’i heshtin disidentët.

Related posts

Google përcjell çdo lëvizje tuaj? Kontrolloni nëse e keni të kyçur këtë opsion

admin

Kush qëndron pas trendit viral në Instagram për mbjelljen e pemëve, dhe a do të realizohet premtimi i dhënë?

admin

Prezantohet iPhone 13 Pro Max që kushton 9,150 dollarë me dhëmb T-Rex 80 milionë vjeçar

admin