28.8 C
Skopje, NM
16/09/2021
DailyNews.mk
Bota

Rekorde, 4 milionë amerikanë kanë votuar tashmë me postë

Numri i amerikanëve që po votojnë me postë para zgjedhjeve të nëntorit është i paprecedent, tregojnë të dhënat e para.

Katër javë para zgjedhjeve të 3 nëntorit, tashmë kanë votuar katër milionë amerikanë, që është shumë më shumë krahasuar me periudhën e njëjtë të para katër vjetëve kur deri në këtë kohë kishin votuar 75 mijë veta, tregon Projekti Amerikan i Zgjedhjeve, përcjell Reuters të mërkurën.

Numri i madh i votuesve është rritur nga mundësia e krijuar nga shumë shtete që të votohet me postë shkaku i pandemisë së koronavirusit, por edhe nga dëshira që të merret vendimi për të ardhmen politike të presidentit Donald Trump. Kundërkandidat i tij, është demokrati Joe Biden, të cilin e favorizojnë anketat e muajve të fundit.

“Asnjëherë nuk kemi parë që kaq shumë njerëz të votojnë në këtë kohë. Njerëzit votojnë në momentin që marrin vendimin dhe tashmë dihet se shumë të tillë kanë marrë një vendim për të ardhmen politike ndaj Trumpit”, ka thënë Michael McDonald nga Universiteti i Floridas.

Për shkak të numrit në rritje të votuesve, ai pret që të votojnë rreth 150 milionë amerikanë, që do të ishte rekord e që i bie 65 për qind e atyre që kanë të drejtë vote. Nëse regjistrohet kjo përqindje, atëherë do të ishte më e madhja që prej zgjedhjeve të vitit 1908, përcjell Zëri i Amerikës.

Presidenti Trump ka vënë në dyshim rregullsinë e votës me postë dhe ka lënë të kuptohet në shumë raste se nuk do të pranojë rezultatin e zgjedhjeve.

Related posts

Nuk kam vdekur! Udhëheqësi taleban shfaqet në TV për të mohuar zërat për shkëmbim zjarri në Pallatin Presidencial me rivalët e tij

Admin

Mbi një miliard njerëz janë vaksinuar plotësisht në Kinë

Admin

Një tërmet me fuqi shkatërruese prej 5.4 magnitudë godet Kinën, humbin jetën dy persona dhe dhjetëra tjerë lëndohen

Admin

Gjatë konferencës për media Joe Biden ia harron emrin kryeministrit australian, i referohet ndryshe

Admin

Në Francë suspendohen 3.000 punonjës shëndetësorë, nuk u vaksinuan kundër COVID-19

Admin

Dita e “unitetit serb” nxit shqetësime në Ballkan

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com