17 C
Los Angeles
October 3, 2022
DailyNews – MK
Kosovë

Raportova në polici për komente të këqija kundër meje në rrjetet sociale, jo për kërcënim

Të hënën, drejtori i Klinikës së Psikiatrisë, Faton Kutllovci, ka raportuar në Polici për një rast të komenteve të këqija në rrjetet sociale drejtuar atij, nga një person tjetër. 

Kutllovci në një prononcim për Telegrafin demantoi lajmin se është kërcënuar, siç u raportua të martën.

Ai tha se shkrimet e këqija nuk kanë të bëjnë as me punën që e bën si drejtor i Klinikës së Psikiatrisë.

“Nuk kam qenë i kërcënuar. Kam raportuar një rast të shkrimeve të këqija të rrjeteve sociale për mu. Nuk kam qenë i kërcënuar dhe nuk ka të bëjë me kërcënim, sidomos jo për punën e psikiatrisë, Rastet që i trajtojmë ne, janë raste psikiatrike dhe gjithsesi që mund të ketë komente të ndryshme për ne, kështu që në fund ka qenë raportim i shkrimeve por jo kërcënim”, ka thënë Kutllovci.

Ndryshe, Policia e Kosovës sot përmes raportit 24 orësh bëri të ditur se një udhëheqës pranë klinikës në Qendrën Klinike Universitare të Kosovës (QKUK) ka raportuar se përmes rrjeteve sociale është ngacmuar, shpifur dhe kërcënuar nga një person tjetër.

“Ankuesi mashkull kosovar udhëheqës pranë klinikës në QKUK, ka raportuar se përmes rrjeteve sociale është ngacmuar, shpifur dhe kërcënuar nga një i dyshuar mashkull. Nuk raportohet për të arrestuar”, thuhet në raport. 

Related posts

Policia jep detaje për vrasjen në Graçanicë ku polici vrau vëllain e tij

admin

Qytetarët ankohen për ngritje të vazhdueshme të çmimeve, fajësojnë qeveritë e kaluara për krizën

admin

Pas disa thirrjeve më në fund votohen në Kuvend marrëveshjet ndërkombëtare

admin