18.8 C
Skopje, NM
28/09/2021
DailyNews.mk
Bota

“Po digjesha e gjallë”, rrëfimi prekës i të mbijetuarës nga sulmet e 11 shtatorit

Kanë kaluar 20 vjet nga sulmet e 11 shtatorit, por për shumë të mbijetuar, dhimbja dhe trauma janë ende të papërpunuara.

Sipas medieve të huaja, përcjell Telegrafi, disa mbetën me lëndime fizike që i ndryshuan jetën, derisa ende shumë njerëz luftojnë me mundimin mendor që iu shkaktuan nga ngjarjet e asaj dite.

Një nga të mbijetuarat që kishte pësuara lëndime të rënda, Lauren Manning, pësoi djegie në më shumë se 80 për qind të trupit të saj.

“Sipas çdo standardi mjekësor, unë mund të kisha vdekur”, thotë ajo për Sky News.

Lauren sapo kishte hyrë në Kullën Veriore të Qendrës Botërore të Tregtisë kur aeroplani i parë i rrëmbyer u përplas në ndërtesë, duke hedhur një top zjarri që godiste poshtë boshtit të ashensorit dhe në korridor.

“Kishte një tingull tepër të fortë, dhe një çast më vonë u përfshiva nga flakët”, thotë ajo.

“Dhimbja ishte e pallogaritshme, dërrmuese, duke depërtuar gjithnjë e më thellë”, potencoi e mbijetuara.

“Po digjesha e gjallë. Nuk ka fjalë të tjera për të”, thekson Lauren.

Derisa ajo luftonte kundër flakëve, ajo vrapoi jashtë dhe përtej një rruge para se të binte dhe të rrokulliset në një argjinaturë me bar, ku një burrë u përpoq ta ndihmonte.

“Unë nuk u rrëzova dhe nuk vdiqa në një grumbull flakësh – luftova kundër tyre”, thotë ajo.

“Unë po i bërtisja atij: ‘Më largo që këtu’”, u shpreh Lauren.

Lauren u dërgua me urgjencë në spital dhe përfundimisht u vendos në një gjendje kome, para se të transferohej në një qendër të specializuar të djegieve.

Gjatë tre muajve kur ajo ishte në gjendje kome, burri i saj Greg lexonte poezi nga Robert Burns dhe luante muzikë nga ditët e takimit të tyre.

Lauren u fotografua me burrin e saj Greg dhe dy djemtë e tyre Jagger dhe Tyler. Fotografia: Lauren Manning

Disa ditë pasi u zgjua nga koma, djali një vjeçar i Lauren, Tyler, e vizitoi atë për herë të parë që nga sulmi.

“Unë kisha shumë frikë se ai nuk do të më njihte”, thotë ajo.

Lauren kaloi më shumë se gjashtë muaj në spital, por shërimi i saj – i cili përfshinte disa operacione – zgjati gati 10 vjet. 

Related posts

SHBA teston me sukses armën hipersonike Raytheon – e aftë për shpejtësi më të madhe se pesëfishi i zërit

Admin

Mundësi dhe  siguri për investitorët

Admin

Ata që janë vaksinuar me Moderna mund të mos kenë nevojë të marrin një dozë të tretë!

Admin

Prishet ashensori, mbi 30 minatorë të bllokuar kanadezë bënë një “ngjitje vertikale” që zgjati rreth 10 orë

Admin

Shqiptari akuzohet për vrasjen e një mësueseje të shkollës fillore në Londër – tregohet kush është ai dhe detajet se si ndodhi vrasja e saj

Admin

Iniciativa e zhvillimit global, një qasje e re për të ardhmen globale

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com