8.8 C
Skopje, NM
26/10/2021
DailyNews.mk
Bota Përzgjedhjе nga redaktori

OBSH: ‘Jashtëzakonisht e pamundur’ që koronavirusi të ketë dalë nga laboratori në Wuhan!

Një ekip i ekspertëve ndërkombëtarë që po heton origjinën e koronavirusit, e hodhi poshtë teorinë që ai të ketë dalë nga laboratori.

Peter Ben Embarek, udhëheqës i misionit të Organizatës Botërore të Shëndetësisë, tha se se “është jashtëzakonisht e pamundur” që koronavirusi të ketë dalë nga një laborator në qytetin Vuhan të Kinës. Ai tha se duhet bërë më shumë punë për të identifikuar burimin e tij, njofton REL.

Komentet u bënë në përfundim të një misioni të përbashkët të OBSH-së dhe Kinës.

Vuhani, i cili ndodhet në provincën perëndimore Hubei të Kinës, është vendi i parë në botë ku është zbuluar koronavirusi, në fund të vitit 2019.

Që atëherë, mbi 106 milionë njerëz janë infektuar në të gjithë botën dhe mbi 2.3 milionë kanë vdekur.

Spekulimet janë shfaqur herët në pandemi se virusi mund të kishte dalë aksidentalisht nga laboratori, megjithëse nuk ka pasur prova të sigurta për ta mbështetur atë teori.

Dr Embarek tha në një konferencë për media se hetimet kanë zbuluar edhe informacione të tjera, por nuk e kanë ndryshuar imazhin e shpërthimit.

Ekspertët besojnë se virusi ka të ngjarë ta ketë origjinën te kafshët, por nuk janë të sigurt se si.

Liang Wannian, ekspert nga Komisioni Shëndetësor i Kinës, tha se koronavirusi mund të ketë qenë në rajone të tjera përpara se të zbulohej në Vuhan.

Related posts

EMA miratoi dozën e tretë të vaksinës Moderna

Admin

Miliona doreza të papastra dhe të përdorura nga Tajlanda janë futur në SHBA si për të reja

Admin

Pamje rrëqethëse nga droni në La Palma, destinacioni i preferuar turistik shkatërrohet nga zjarri dhe hiri i llavës

Admin

Putin urdhëron masa të reja për të luftuar koronavirusin

Admin

OKB: Gazrat serrë shënuan rekord në vitin 2020

Admin

Dhjetë vjet burgim për ish-pjesëtaren gjermane të Shtetit Islamik

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com