39.8 C
Skopje, NM
29/07/2021
DailyNews.mk
Maqedoni

Ndërtimet pa leje, komunat kërkojnë më shumë kompetenca

Parandalimi i ndërtimeve pa leje, do të jetë më efikas kur përveç pushtetit qendror edhe Qyteti i Shkupit dhe komunat të kenë kompetenca dhe institucione përkatëse për kontrollin dhe prishjen e objekteve pa leje. Kryetari i Qytetit të Shkupit, Petre Shilegov, thotë se pret që të miratohet ligji për formimin e policisë komunale dhe marrjes së një pjesë të kompetencave ndaj ndërtimeve pa leje.

“Ekziston vullnet politik për formimin e policisë komunale të Qytetit të Shkupit, teksti ligjor është gati dhe pres që së shpejti do të fillojë të miratohet ligji me qëllim që kur të hyjmë në mandatin e ardhshëm, vitin e ardhshëm të mundemi me llojin e atillë të institucionit të mund të bëjmë mes të tjerash edhe kontrollin e ndërtimeve pa leje”, deklaroi Petre Shilegov, qyteti i Shkupit.

Kryetari i Komunës Qendër, Sasha Bogdanoviq, thotë se deri më tani në këtë komunë kanë larguar një sërë objektesh pa leje. Paralajmëron edhe prishjen e të tjerave.

“Tani do të kemi prishje të tjera, kemi ndarë rreth 13 milion denarë për largim të objekteve dhe mendoj se ky është rekord. Do të publikohen vendimet e mara për këto objekte. Por për ne me rëndësi është të ketë përfundim edhe juridik, të mos ndodh vetëm që ta prishni objektin e pastaj të zvarriteni nëse do të paguajnë ose nuk do të paguajnë. Patjetër dikush të mbajë përgjegjësi pse i është kujtuar të fillojë të ndërtojë pa leje”, tha Sasha Bogdanoviq, Komuna Qendër.

Sipas raportit të Entit Shtetëror të Statistikave, vetëm vitin e kaluar në të gjithë vendin janë ndërtuar 866 ndërtime pa leje, pjesa më e madhe e të cilave, 153 në kryeqytet. Ditë më parë Inspektorati shtetëror për ndërtim i ka dorëzuar Qeverisë raport në të cilin, ka konstatuar se në pesë objekte në Çarshinë e Vjetër të Shkupit ka parregullsi në ndërtime dhe rikonstruktime të objekteve. Mirëpo Qeveria ende nuk e ka shqyrtuar këtë raport.

Related posts

Milikije Halimi i jep fund problemit disa dekadash të ujit, Haraçina me uji pa ndërprerje

Admin

RMV/ Për herë të parë, sulmi ndaj mjekëve barazohet me sulmin ndaj personave zyrtarë

Admin

Lëvizja Besa zgjedhë strukturat e saj në Novosellë të Bogovinës, lëvizja po ritet

Admin

Mbeturinat dhe uji i pijshëm problem në komunën e Tearcës

Admin

Bashkia e Shkupit të premten me spërkatje kundër mushkonjave

Admin

VMRO: MPB nuk është funksionale, letërnjoftime nuk ka më shumë se 20 ditë

Admin

This website uses cookies to improve your experience. We'll assume you're ok with this, but you can opt-out if you wish. Accept Read More