39.8 C
Skopje, NM
29/07/2021
DailyNews.mk
Bota

Ndërron jetë Kurt Westergaard, njeriu që nxiti reagime të shumta pas publikimit të karikaturës së profetit Muhamed

Karikaturisti danez Kurt Westergaard, i njohur për karikaturën e tij të diskutueshme të profetit Muhamed, vdiq në moshën 86 vjeç, ka bërë të ditur familja e tij të dielën.

Sipas mediave të huaja, përcjell Telegrafi, Westergaard vdiq i qetë në gjumë pas një sëmundjeje të gjatë, njoftoi gazeta daneze Berlingske, duke cituar familjen e tij.

Artisti u bë i njohur ndërkombëtarisht në vitin 2005 pasi një seri vizatimesh të tij u botuan në të përditshmen konservatore, Jyllands-Posten nën titullin, “Fytyra e Muhamedit”.

Ilustrimet, të cilat fillimisht kaluan pa u vërejtur, përfundimisht ndezën krizën më të madhe të politikës së jashtme të Danimarkës që nga fundi i Luftës së Dytë Botërore.

Një nga karikaturat që shkaktoi një reagim të veçantë tregonte profetin që kishte veshur një çallmë në formën e një bombe.

Dy javë pas botimit të serisë, demonstrimet kundër tij u mbajtën në Kopenhagë dhe ambasadorët nga vendet myslimane në Danimarkë protestuan gjithashtu.

Por zemërimi u përshkallëzua përtej Danimarkës, në të gjithë botën myslimane në shkurt të vitit 2006.

Protestat në vendet myslimane shpejt u kthyen në dhunë. Ambasadat daneze dhe norvegjeze u sulmuan dhe dhjetëra njerëz u vranë.

Karikaturat përfundimisht çuan në një debat rreth kufijve të fjalës së lirë dhe pyetjeve rreth fesë. 

Related posts

Britania heq karantinën për të vaksinuarit nga SHBA-ja dhe BE-ja

Admin

Policia në Berlin ndalon mbajtjen e dy protestave për koronavirus

Admin

Biden mbështet synimin e bjellorusëve për demokraci pas takimit me Tsikhanouskayan

Admin

Franca do të kërkojë pasaportën shëndetësore nëpër kafiteri nga 9 gushti

Admin

Zyra e Prokurorit në Bosnje inicion rastet e para nën Ligjin për mohim të gjenocidit

Admin

Tokio regjistron rekord të rasteve me koronavirus

Admin

This website uses cookies to improve your experience. We'll assume you're ok with this, but you can opt-out if you wish. Accept Read More