22.8 C
Skopje, NM
30/07/2021
DailyNews.mk
Kosovë

Molliqaj reagon pas lirimit nga arrestimi: Nuk na çudit zhvendosja ideologjike e Kurtit

Kryetari i Partisë Socialdemokrate, Dardan Molliqaj, ka reaguar pasi është liruar nga ndalimi policor, pas arrestimit të tij të premten gjatë një aksioni të anëtarëve të kësaj partie në kundërshtim të vendimit të Qeverisë për aplikimin e taksës shtesë prej 5 euro me rastin e regjistrimit të automjeteve.

Molliqaj, përmes një postimi në Facebook, ka thënë se “dhuna e policisë nuk erdhi nga aksioni i PSD-së, por nga cenimi i integritetit moral e politik të një qeverisjeje zhvatëse”.

“Dhuna policore vjen prej një sistemi të vjetër që ushqehet edhe nga rendi patriarkal. Janë po këta policë që nuk reagojnë ndaj dhunës së përditshme ndaj qytetarëve pa mbrojtje e mbështetje nga shteti. Por policia është reflektim. Ajo merr yrush nga politika. E kur në pushtet liderët populist bëjnë kontabilitetin e numrave, tek policia përkthehet në zhvleftësim të jetës së qytetarit. Bashkëjetesa e patriarkatit me populizmin u pa dje me zë e me figurë”, ka shkruar ai.

Postimi i plotë i Molliqajt:

“Kundër plaçkitjes – gjithmonë!

Vendimi i Qeverisë për tiketën 5 euro është zhvatje e pastër. Mbulesa argumentative e saj qëndron tek lufta për formalizim. Kjo përpjekje është në dëm të shumicës që ka pak, por që jep shumë për buxhetin e shtetit. Zhvendosja ideologjike e Kurtit nuk na çuditi, por duhet shpjeguar pasojat. Vendimet e tilla dërgojnë drejt monopoleve, ku shërbimet janë efikase, por edhe të papërballueshme për qytetarin, dhe tutje kjo logjikë përpinë çdo mundësi për drejtësi e barazi. Është simptomatike fillim-krijimi i monopolit. Ato shkojnë dora dorës me korrupsion dhe fuqizim të oligarkisë. Krejt kjo tregon çka përfaqëson ky pushtet; vlerat dhe parimet. E njëjta kritikë vlenë edhe për temën e homologimit, e cila është shpërla nga qëndrimi fillestar. U tha që homologimi do të largohet për të gjitha veturat e më pas u tha që vetëm për veturat e reja 00. Edhe kjo politikë dëmton ata që kanë vetura të vjetra, pra përsëri goditën ata që nuk kanë.

Në anën tjetër, dhuna e policisë nuk erdhi nga aksioni i PSD-së, por nga cënimi i integritetit moral e politik të një qeverisjeje zhvatëse. Plaçkitja ndaj qytetarëve nuk kaloi pa u dalluar. Investimin në imazhin e superioritetit moral e mori lumi. Dhuna policore vjen prej një sistemi të vjetër që ushqehet edhe nga rendi patriarkal. Janë po këta policë që nuk reagojnë ndaj dhunës së përditshme ndaj qytetarëve pa mbrojtje e mbështetje nga shteti. Por policia është reflektim. Ajo merr yrush nga politika. E kur në pushtet liderët populist bëjnë kontabilitetin e numrave, tek policia përkthehet në zhvleftësim të jetës së qytetarit. Bashkëjetesa e patriarkatit me populizmin u pa dje me zë e me figurë.

Sa i përket reagimit të Qeverisë, ai erdhi nga presioni publik i shumtë. Pushteti bëri llogarinë e ditës dhe doli në humbje. Sepse pushtetet autoritare kanë numrat për bazë. Jo barazinë, por barazimin e bilanceve. Për më tepër, suspendimet nuk kanë ndodhur si rezultat i vullnetit qeveritar, por për shkak të reagimit profesional të inspektoriatit të policisë (IPK) – institucion ende i paprekur nga Ministria e Punëve të Brendshme. Reagimi nuk ishte si rezultat i reflektimit qeveritar, por imponim nga qytetarët. Tentimi që të disiplinohet qytetari e dështoi këtë pushtet, në krye të herës.

Rëndësia e krejt kësaj ngjarjeje dhe insistimi në vazhdim është i lidhur me heqjen e tiketës zhvatëse. T’i kthehemi temës qendrore që na bëri bashkë dhe të fortë: pse 5 euro tiketë? Pse monopol? Pse?

I falënderoj të gjithë ata/ato që janë solidarizuar me aktivistët, kundër dhunës policore dhe kundër padrejtësisë që implikon ky vendim. Në momente si këto, organizimi i partive opozitare, qytetarëve e shoqërisë civile është shpresë e madhe për një horizont të ri”, ka shkruar ai.

Ndryshe, Dardan Molliqaj është arrestuar dje bashkë me shtatë aktivistë të partisë që ai drejton, të cilët më pas janë liruar, gjatë aksionit te Ministria e Drejtësisë ku kundërshtuan taksën shtesë prej 5 euro për regjistrimin e veturave. /Telegrafi/

Related posts

Qeveria e Kosovës: Iniciativa e Novi Sadit nuk e ka miratimin tonë

Admin

Procedohet për konsultime publike Koncept Dokumenti për procesin e vetingut në drejtësi

Admin

Haradinaj për bashkatdhetarët që vdiqën në Kroaci: Askush nuk mund të kompensojë humbjen tuaj

Admin

Hoti: Edhe bashkatdhetarët që ndodhen në Kosovë mund të vaksinohen

Admin

Haziri: LDK nuk ka nevojë sillet sikur VV në opozitë, roli ynë dallon si nata me ditën

Admin

Hasani: Marrëveshja e propozuar nga Kurti për paqe me Serbinë është primitive

Admin

This website uses cookies to improve your experience. We'll assume you're ok with this, but you can opt-out if you wish. Accept Read More