34.8 C
Skopje, NM
22/06/2021
DailyNews.mk
Ekonomi Përzgjedhjе nga redaktori

Ministri kosovar diskuton me Bankën Botërore master-planin për ujitjen e tokave bujqësore

Ministri i Bujqësisë, Besian Mustafa zhvilloi sot një takim virtual me menaxherin e Bankës Botërore për Kosovë dhe Maqedoninë e Veriut, Massimiliano Paolucci, me udhëheqësen e Projektit për Bujqësi dhe Zhvillim Rural (ARDP), Silvia Mauri, si dhe me përfaqësues të tjerë të këtij institucioni ndërkombëtar financiar.

Në takim u fol mbi master-planin për ujitjen e tokave bujqësore, plan i cili duhet ta rrumbullakojë çështjen e ujitjes për tërë territorin e Kosovës.

Ministri Mustafa shprehu zotimin e Qeverisë së Kosovës për ta mbështetur këtë projekt, si dhe kërkoi nga Banka Botërore të vazhdojë ta përkrahë MBPZhR-në dhe të vazhdojë t’i mbajë si prioritet nevojat e këtij sektori, në projektet e Bankës Botërore për ujitje dhe agrikulturë në Kosovë.

Nga ana e tij, menaxheri i BB-së për Kosovë dhe Maqedoni Veriore Massimiliano Paolucci u zotua se do të kontribuojë vazhdimisht që projekti i master-planit për ujitjen e tokave bujqësore të realizohet.

Ndryshe, master-plani për ujitjen e tokave bujqësore, i cili pritet të promovohet së shpejti, paraqet një ndër projektet më të mëdha në Kosovë, në vlerë 550 milionë euro.

Related posts

Sekretari i Shtetit Blinken drejt Evropës për Konferencën e Libisë

NEFAIL EMINI

Kina u ka kërkuar bankave që të ndalojnë transaksionet me monedha virtuale

NEFAIL EMINI

Televizioni bullgar: Nuk priten ndryshime në qëndrimet e Sofjes

NEFAIL EMINI

Ivca Daçiq: Është shumë e vështirë të arrihet një konsensus me Kosovën

NEFAIL EMINI

Bitcoin shënon një tjetër rekord negativ

NEFAIL EMINI

Evropa ndihmon Malin e Zi për borxhin masiv ndaj Kinës

NEFAIL EMINI

This website uses cookies to improve your experience. We'll assume you're ok with this, but you can opt-out if you wish. Accept Read More