18.5 C
Los Angeles
November 29, 2021
DailyNews – MK
Bota

Malala, fituesja e Nobelit për Paqe, shpall martesën

Fituesja e Çmimit Nobel për Paqe, Malala Yousafzai, u martua me partnerin e saj, Asser Malik, me një ceremoni islamike në Britani.

“Sot është një ditë e çmuar në jetën time. Asser dhe unë u martuam, për të qenë partnerë për gjithë jetën”, njoftoi Malala, mbrëmjen e së martës, në Twitter.

Postimi u shoqërua me imazhe të saj dhe të bashkëshortit dhe u pëlqye nga dhjetëra-mijëra ndjekës.

Malala, 24 vjeçe, aktiviste pakistaneze për të drejtat e grave, ka gjetur strehim në Britani, pasi është qëlluar në kokë nga talibanët në vitin 2012.

Ajo ka qenë 15 vjeçe kur është sulmuar, për shkak të fushatës së saj për shkollimin e vajzave në Pakistan.

Në moshën 17-vjeçare, ajo është bërë personi më i ri që ka fituar Çmimin Nobel për Paqe.

Bashkëshorti i saj, sipas profilit të tij në Twitter, është menaxher biznesi që aktualisht punon në Bordin e Kriketit të Pakistanit.

Related posts

Viti 2020 një ndër më të nxehtët në histori

admin

Biden: Jemi në luftë me virusin, jo me njëri-tjetrin

admin

Turqia po heton postimet në lidhje me shëndetin e Presidentit

admin