18.8 C
Skopje, NM
28/09/2021
DailyNews.mk
Ekonomi Maqedoni Përzgjedhjе nga redaktori Rajoni

Majlinda Bregu vizitë në Maqedoninë e Veriut, fokusi tek problemet socio-ekonomike

Sekretarja e përgjithshme e Këshillit për Bashkëpunim Rajonal, Majlinda Bregu, po zhvillon një vizitë dy ditore në Maqedoninë e Veriut, ndërsa është takuar me zyrtarët e lartë të vendit fqinj.

Pas takimit me ministra dhe zëvendëskryeministrin e parë, por edhe me kryetarin e Parlamentit dhe me ministrin e Jashtëm Bujar Osmani, Bregu përcolli mesazhin se Maqedonia do të ketë gjithmonë një partner në rrugëtimin e saj euroatlantik, por edhe në zhvillimin ekonomik që mund të bëhet sipas saj, vetëm me investime të përbashkëta.

“Jam e kënaqur sepse shoh se pas zgjedhjeve Qeveria Zaev ia doli të ketë një grupim njerëzisht, një Qeveri gjithëpërfshirëse dhe multietnike. Besoj se pavarësisht që pozicioni im është neutral , më duhet të ndjehem dy herë mirë edhe si shqiptare. Kur flasim për bashkëpunim nuk flasim vetëm për takime me njëri tjetrin, apo për lidhjet familjet po për thellimin e bashkëpunimit ekonomik. Jam e bindur që në kohërat që po kalojmë të gjithë bashkë, por edhe për arsye se ky rajon nuk ka qenë asnjëherë shumë i pasur, situata ekonomike, problemet me papunësinë, ikjen e të rinjve, mbeten çështjet tona kryesore”, tha znj. Bregu.

Ministri i Jashtëm, Bujar Osmani, theksoi prioritet e politikës së jashtme të Maqedonisë së Veriut që janë marrëdhëniet e mira ndërfqinjësore e integrimi në BE, dhe foli edhe për sfidat dhe potencialet e Samitit të ardhshëm të Sofies.

“Krahas iniciativave dhe projekteve të shumta, i prezantova edhe ambiciet tona për hapjen e deri më gjashtë pikave të reja kufitare me fqinjët, si instrument për komunikim më intensiv dhe më të lehtë në rajon, e potencova iniciativën tonë për hapjen e Qendrës Rajonale për Dialog, të quajtur Forumi i Prespës, platformë për promovim të fqinjësisë së mirë dhe për zgjidhjen e çështjeve bilaterale, por edhe forum prej nga pres që të dalin edhe iniciativa të reja dhe autentike për bashkëpunim rajonal. U sigurova se Këshilli për bashkëpunim rajonal do t’i vendos të gjitha kapacitetet në funksion të sukseseve të këtij samiti, ndërsa suksesi i samitit do të paraqesë sukses të tërë rajonit, madje edhe sukses të idesë evropiane të Ballkanit”, tha Osmani.

Ata u zotuan se do të japin kontribut për rritjen e bashkëpunimit të shteteve të rajonit të cilat nuk mund të mbijetojnë as ekonomikisht, por as kulturalisht nëse janë të vetme, duke ndjekur modelet nga shtetet e BE-së.

Related posts

Konferencë shtypi e kryeministrit Zaev dhe kryetares së KE-së, fon der Lajen (drejtpërdrejtë)

Admin

Deponia e shetitorja në Dibër ngelën vetëm fjalë në letër, premtimet nuk u realizuan

Admin

ASHMMA: Vitin e kaluar ka rënë në minimum profiti i televizioneve në Maqedoni

Admin

Gjyqtarët nuk ndihen të lidhur mjaftueshëm me punën e Këshillit Gjyqësor, nevojitet transparencë e plotë

Admin

Kacarska e njofton Mariçiqin për kushtet e punës në Gjykatën Kushtetuese

Admin

Dimitrov: Vizita e Fon der Lajenit sinjal i fuqishëm për nevojën e fillimit të negociatave me BE-në

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com