9.8 C
Skopje, NM
17/10/2021
DailyNews.mk
Bota

Lind foshnja e parë me antitrupa Covid

Dy pediatër nga jugu i Floridas kanë konfirmuar se një grua e cila kishte marrë dozën e parë të vaksinës së koronavirusit, ndërkohë që ishte shtatzënë, lindi foshnjen e parë me antitrupa Covid-19.

“The Guardian” raporton se mjekët e paraqitën këtë zbulim në një artikull paraprak, duke theksuar se ky pretendim ende nuk është rishikuar nga kolegët.

Dr. Paul Gilbert dhe Chad Rudnick thanë se nëna, një punëtore e kujdesit shëndetësor në vijën e parë të luftës, mori dozën e parë të vaksinës Moderna në Janar, në javën e 36 të shtatzënisë. Tre javë më vonë, gruaja lindi një vajzë që gëzonte shëndet të plotë.

Në artikullin e tyre, studiuesit shkruajnë se analizuan qelizat e gjakut nga kërthiza e foshnjës dhe antitrupat u zbuluan në kohën e lindjes.

“Foshnja ka potencial për mbrojtje dhe ulje të rrezikut të infeksionit nga Sars-CoV-2 me vaksinimin e nënës. Për njohuritë tona, kjo ishte e para në botë që u raportua për një fëmijë të lindur me antitrupa pas një vaksinimi. Ne testuam kordonin për të parë nëse antitrupat e nënës i kaluan foshnjës, gjë që shohim se ndodh me vaksinat e tjera të dhëna gjatë shtatzënisë”, tha Gilbert për filialin e “West Palm Beach ABC”.

Megjithatë, “ABC” thekson se për të përcaktuar nëse foshnjat mbrohen realisht nga këto antitrupa, duhen studime të mëtejshme.

“Ne nxisim hetuesit e tjerë të krijojnë regjistra të shtatzënisë dhe ushqyerjes me gji si dhe të kryejnë studime të efikasitetit dhe sigurisë së vaksinave Covid-19 në gratë shtatzëna dhe gjidhënëse, si dhe pasardhësit e tyre”, thuhet në artikull.

“Ky është vetëm një rast nga mijëra foshnje të lindura nga nëna që janë vaksinuar dhe do të vaksinohen gjatë muajve të ardhshëm. Studimet e mëtejshme do të përcaktojnë se sa do të zgjasë kjo mbrojtje, në çfarë niveli të mbrojtjes ose sa antitrupa duhet të ketë një foshnjë për të qenë e mbrojtur”, u shpreh Rudnick për “ABC”.

Gilbert dhe Rudnick thanë që artikulli i tyre ishte pranuar për botim nga filiali i “ABC” dhe se ata po prisnin që të postohej zyrtarisht në faqen e revistës./tvklan.al

Related posts

Policia australiane ka konfiskuar ngarkesën më të madhe ndonjëherë të heroinës, me vlerë prej 104 milionë dollarë

Admin

Olaf Scholz mund të jetë kancelari i ardhshëm i Gjermanisë

Admin

Ende nuk dihet nëse deputeti Sir David Amess kishte qenë në cak nga sulmuesi – autoritetet janë duke e hetuar rastin

Admin

SHBA ofron kompensim për familjarët e viktimave të sulmit me dron

Admin

Policia britanike: Vrasja e ligjvënësit ishte incident terrorist

Admin

Në Indonezi 11 student u mbytën gjatë aksionit për pastrimin e lumit

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com