-1.2 C
Skopje, NM
26/10/2021
DailyNews.mk
Bota Përzgjedhjе nga redaktori

Irani dhe Koreja e Veriut/ OKB bashkëpunojnë për programin raketor

Një raport i Kombeve të Bashkuara ka bërë të ditur se gjatë vitit të kaluar, Irani dhe Koreja e Veriut kanë rifilluar bashkëpunimin për zhvillimin e projekteve të raketave me rreze të gjatë veprimi.

Për këtë, raporti citoi një shtet anëtar të OKB-së të paemëruar, i cili siguroi informacione se Koreja e Veriut dhe Irani kanë rifilluar këtë bashkëpunim. Raporti u publikua nga një grup i pavarur ekspertësh që monitorojnë sanksionet ndërkombëtare ndaj Koresë së Veriut. Duke u përgjigjur akuzave, ambasadori iranian në Kombet e Bashkuara, Majid Takht Ravanchi, u tha anëtarëve të panelit në dhjetor se në hetimet e tyre mund të jenë përdorur “informacione të rreme dhe të dhëna të fabrikuara“.

Sipas raportit, Koreja e Veriut vazhdoi me zhvillimin e programeve të saj bërthamore gjatë vitit 2020 duke shkelur sanksionet ndërkombëtare. Shtetet e Bashkuara në vazhdimësi kanë akuzuar Korenë e Veriut dhe Iranin për bashkëpunim në zhvillimin e raketave. Raporti publikohet në kohën kur administrata e re e presidentit të SHBA-së, Joe Biden po rishikon politikën e ish-presidentit, Donald Trump ndaj Koresë së Veriut.

Administrata e Bidenit po përpiqet gjithashtu të ringjallë diplomacinë me Iranin pasi Trump tërhoqi Shtetet e Bashkuara nga marrëveshja bërthamore e Teheranit me fuqitë botërore dhe vendosi përsëri sanksionet. Trump thoshte se marrëveshja ishte e negociuar keq dhe se ajo i mundësonte Iranit të ketë armatim bërthamor.

Në një intervistë për CNN më 8 shkurt, Sekretari amerikan i Shtetit, Antony Blinken përsëriti se “nëse Irani u kthehet detyrimeve të tij sipas marrëveshjes bërthamore, edhe SHBA-ja do të vepronte njëjtë“. Ai tha se pastaj SHBA-ja do të punonte me aleatët dhe partnerët për një marrëveshje më të fuqishme duke adresuar më shumë çështje. Zyrtarët iranianë kanë këmbëngulur që Shtetet e Bashkuara fillimisht duhet të lehtësojnë sanksionet ndërkombëtare. Ata kanë thënë gjithashtu se programi raketor i vendit dhe politikat rajonale nuk mund të jenë tema të diskutimit.

Related posts

EMA miratoi dozën e tretë të vaksinës Moderna

Admin

Miliona doreza të papastra dhe të përdorura nga Tajlanda janë futur në SHBA si për të reja

Admin

Pamje rrëqethëse nga droni në La Palma, destinacioni i preferuar turistik shkatërrohet nga zjarri dhe hiri i llavës

Admin

Putin urdhëron masa të reja për të luftuar koronavirusin

Admin

OKB: Gazrat serrë shënuan rekord në vitin 2020

Admin

Dhjetë vjet burgim për ish-pjesëtaren gjermane të Shtetit Islamik

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com