18.5 C
Los Angeles
November 29, 2021
DailyNews – MK
Bota Covid-19

Hong Kongu rekomandon vaksinën “Sinovac” për fëmijët 3-17 vjeç

Një panel këshillues për vaksinat kundër Covid-19 për Rajonin e Posaçëm Administrativ të Hong Kongut (HKSAR) rekomandoi të hënën përdorimin e vaksinës së “Sinovac” të prodhuara në Kinë për fëmijët e moshës 3-17 vjeç.

Informacioni përkatës, duke përfshirë të dhënat e provave klinike, tregoi se vaksina “Sinovac” ka siguri të mirë kur administrohet te fëmijët e kësaj grupmoshe. Gjithashtu, krahasuar me të rriturit e moshës 18 vjeç e lart, fëmijët e moshës 3-17 vjeç zhvilluan një përgjigje më të mirë të imunogjenitetit, sipas një njoftimi për shtyp nga qeveria e HKSAR, citon “Xinhua”.

Paneli do t’ia paraqesë për shqyrtim rekomandimin Sekretarit për Ushqimin dhe Shëndetin të qeverisë HKSAR.

Fushata e vaksinimit në Hong Kong po bën përparim të qëndrueshëm. Që nga fillimi i programit të vaksinimit qeveritar në fund të shkurtit, rreth 4.68 milionë njerëz ose 69.5 për qind e popullsisë së kualifikuar ka marrë të paktën një vaksinë kundër Covid-19, ndërsa rreth 4.48 milionë njerëz ose 66.5 për qind janë plotësisht të vaksinuar.

Po ashtu, një dozë përforcuese e vaksinës është vënë në dispozicion të disa grupeve në Hong Kong.

Related posts

Gazprom fillon t’i mbush deponitë për gaz në Evropë

admin

Obama kritikon Rusinë dhe Kinën për “mungesë të urgjencës” për klimën

admin

SHBA konfirmon heqjen e Sudanit nga lista e terrorizmit

admin