34.8 C
Skopje, NM
29/07/2021
DailyNews.mk
Rajoni

Haradinaj-Stublla: Vizita e ministrit grek, sinjal i mirë se marrëdhëniet tona po thellohen

Ministrja e Punëve të Jashtme dhe Diasporës Meliza Haradinaj-Stublla e ka vlerësuar si shumë të rëndësishme vizitën e homologut të saj grek Nikos Dendias.

“Përkundër faktit që ka qenë shtet mosnjohës, në mesin e pesë shteteve mosnjohëse të BE-së, Greqia ka vënë standard të lartë të bashkëpunimit dhe konstruktivitetit ndaj Kosovës. Kjo vizitë është një sinjal i mirë se marrëdhëniet tona po thellohen, por edhe po ndërtohet një themel shumë i fuqishëm në funksion të ndërtimit të aspiratës tonë e cila shkon drejt njohjes”.

“Besoj që kjo është një ngjarje e rëndësishme për ne. Po ashtu, besoj që gjatë ditës do të kemi mundësi që me ministrin Nikos Dendias të diskutojmë në detaje modalitetet dhe fushat e interesit të përbashkët në të cilat do të mund të punonim për të thelluar dhe fuqizuar marrëdhënien bilaterale”.

Kryediplomatja kosovare ka thënë se miqësia e përbashkët që Kosova dhe Greqia e kanë me SHBA-të mund të ketë ndikim në marrëdhëniet mes të dyja vendeve.

“Miqësia e përbashkët e Kosovës dhe Greqisë me SHBA-të është një element shumë i rëndësishëm për ndërtimin dhe thellimin e mëtutjeshëm të bazamentit të marrëdhënieve tona edhe më të mira në të ardhmen”.

Meliza Haradinaj-Stublla këto komente i ka bërë nga Aeroporti Ndërkombëtar i Prishtinës “Adem Jashari” ku po e pret homologun e saj nga Greqia i cili pritet të arrijë pas pak minutash.

Ministri i Jashtëm i Greqisë Nikos Dendias gjatë vizitës në Kosovë do të takohet me kryeministrin Avdullah Hoti, kryeparlamentaren Vjosa Osmani, si dhe do ta ketë edhe një takim me Ministren e Punëve të Jashtme dhe Diasporës Meliza Haradinaj-Stublla.

Ai nuk do të mund të takohet me presidentin Hashim Thaçi, pasi ky i fundit është në vizitë në SHBA.

Related posts

Raporti i OSBE/ODIHR, Basha: Të ndëshkohen autorët e masakrës zgjedhore

Admin

Haziri: LDK nuk ka nevojë sillet sikur VV në opozitë, roli ynë dallon si nata me ditën

Admin

Hasani: Marrëveshja e propozuar nga Kurti për paqe me Serbinë është primitive

Admin

Armend Agolli, kandidat i LDK-së për kryetar të Mitrovicës

Admin

Raporti i OSBE për zgjedhjet në Shqipëri, vjen reagimi i parë nga SHBA

Admin

Rama takohet me Zaev, ja axhenda e Forumit Ekonomik për Bashkëpunimin Rajonal

Admin

This website uses cookies to improve your experience. We'll assume you're ok with this, but you can opt-out if you wish. Accept Read More