11.8 C
Skopje, NM
24/09/2021
DailyNews.mk
Uncategorized

Грлиќ Радман: Очекуваме укинување на визите од САД за хрватските државјани

Хрватскиот министер за надворешни и европски работи Гордан Грлиќ Радман денеска изјави дека очекува „позитивна одлука“ од Соединетите Американски Држави во следните месеци за укинување на визите за хрватските државјани.

– За ова одлучуваат различни тела во САД со поддршка на американската амбасада. Мислам дека можеме да очекуваме позитивна одлука во наредните месеци, рече Грлиќ Радман во емисија на ХРТ, два дена пред посетата на американскиот државен секретар Мајк Помпео на Хрватска.

За укинување на визите Хрватска мора да има помалку од 3 проценти одбиени визи, а во Европската унија визи за САД им требаат само на граѓаните на Кипар, Бугарија и Романија.

Американскиот амбасадор во Хрватска, Роберт Кохорст рече дека сè уште нема официјален извештај за исполнувањето на тој услов, но дека е „голем оптимист“.

На состанокот во Дубровник со министерот за надворешни работи на САД, хрватскиот политички врв ќе разговара и за укинување на двојното одданочување меѓу двете земји.

– Денеска ќе донесеме одлука во Владата, ќе му ја покажеме на државниот секретар Помпео. Потребна е и евалуација од нивна страна, а тоа ќе придонесе за правна сигурност на даночните обврзници, особено на оние кои имаат двојно државјанство, рече Грлиќ Радман.

Ќе бидат воспоставени и механизми за соработка меѓу даночните служби на САД и Хрватска“, најави тој.

Хрватското раководство со Помпео ќе разговара и за набавка на борбени авиони Ф-1.

Related posts

Mickovski nuk pret fitore në Shkup

Admin

South Korea designates arriving Afghans as ‘persons of special merit’

Admin

23,845 active cases with covid in Kosovo

Admin

Vucic receives invitation to attend enthronement of Metropolitan Joanikije in Montenegro

Admin

Diabetes and Covid 19: Self-care tips to manage the condition amid pandemic

Admin

Buckingham Palace garden visitors write bad reviews on TripAdvisor: ‘I feel robbed by royals’

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com