2.8 C
Skopje, NM
26/10/2021
DailyNews.mk
Kronika

Gjyqi për vrasjen e George Floyd/ Fjalët e fundit: Po vdes, amanet fëmijët

“Po vdes, i thonë fëmijëve të mi që i dua”, këto ishin fjalët e fundit të George Floyd.

Afroamerikani që vdiq majin e 2020-ës gjatë një operacioni të policisë në Minneapolis. Videoja u shfaq në sallën e gjyqit, gjatë procesit kundër Derek Chauvin, ish-polici i akuzuar se shkaktoi vdekjen e Floydt, duke i peshuar me gjurin e tij gati 9 minuta në qafë në kohën kur 46-vjeçari ishte i shtrirë në tokë me duart e lidhura pas shpine.

Më herët ishte shfaqur dhe një video, e cila tregonte Chauvin duke thënë se Floyd ishte “një djalë trupmadh” dhe “ndoshta kishte pirë ndonjë gjë”. Gjatë seancës se fundit gjyqësore, e dashura e George Floyd-it përshkroi mes lotësh se si ishte takuar me të për herë të parë, rreth tre vite para incidentit vdekjeprurës në qytetin e Mineapolisit. Courteney Ross tha se ishte takuar me Floyd në një nga degët e shoqatës së krishterë të bamirësisë “Salvation Army”, ku ai punonte si një roje sigurie dhe se i kishte folur siç tha ajo, me “një dialekt të shkëlqyer jugor”.

Ajo pranoi gjithashtu se të dy kishin vuajtur nga varësia prej opioideve. “Të dy i merrnim ilaçet kundër dhimbjeve me recetë. Por receta pas recetash ne fituam varësi. Megjithatë, u përpoqëm realisht shumë që ta thyejmë varësinë prej tyre“, shtoi Ross. Dëshmia e saj u duk si një përpjekje e prokurorëve për ta shfaqur më njerëzore figurën e Floyd e për të nxitur ndjeshmërinë tek anëtarët e jurisë.

Related posts

Nxënësit përleshen në një shkollë të mesme në Veles

Admin

Zjarr në barakat e Gjyqit për kundërvajtje në Parkun e qytetit

Admin

Arrestohen katër persona në Gjakovë, Policia gjen substanca narkotike në shtëpitë e tyre

Admin

Gjobiten 27 motoçiklistë në Tetovë dhe Gostivar

Admin

Arrestohet një shtetas i Shqipërisë në Bllacë, kërkohej nga Interpoli

Admin

“Trafikim me njerëz” arrestohen pesë persona në Pejë

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com