18.8 C
Skopje, NM
28/09/2021
DailyNews.mk
Kosovë

Gjukanoviq: Vuçiq do ta donte Kosovën pa shqiptarë, sikurse Malin e Zi pa malazezë

Mali i Zi kohët e fundit ka qenë në një trazirë të madhe politike dhe etnike, pothuajse në prag të luftës civile, midis dy rrymave të papajtueshme: një që aktualisht është në pushtet dhe që praktikisht po punon për të mohuar shtetësinë dhe kombin malazez, duke dashur ta bëjë atë një “Serbi në deti ” dhe të tjerët që me çdo kusht duan të ruajnë mbijetesën e shtetësisë malazeze dhe një identitet të veçantë kombëtar, kulturor dhe kishtar.

Presidenti malazez, Milo Gjukanoviq ka dhënë një intervistë për mediumin kroat, jutarnji.list teksa ka folur edhe rreth marrëdhënieve mes Kosovës, Malit të Zi dhe Serbisë.

Ai ndër të tjerash është përgjigjur në pyetjen nëse Vuçiq është nën presion për të njohur pavarësinë e Kosovës dhe nëse Mali i Zi mund të jetë “kompensim” i Serbisë për Kosovën?

“Nuk do të thoja që është nën presion. Nga kush? Ky rrëfim po rikthehet në mediat e Beogradit në mënyrë që të fitojë pikë politike në fushën e brendshme. Në këtë mënyrë Vuçiq kërkon të tregojë sesa fuqishëm i reziston qendrave të forta ndërkombëtare. Është një histori e ekzagjeruar. Ata dyshojë se po luftojnë për ta kthyer Kosovën. Dhe nuk do të kishte ndëshkim më të madh për Serbinë sesa dikush që t’ua kthejë atë. Ata do ta donin Kosovën pa shqiptarët, siç do ta donin Malin e Zi pa malazezët”, tha presidenti malazez.

“Është e qartë se për Beogradin, Mali i Zi do të ishte kompensimi i vetëm real për Kosovën. Vuçiq shpesh kritikon ish-qeverinë në Serbi për ‘lëshimin e Malit të Zi’ në vitin 2006”, tha ai ndër të tjerash.

Ndryshe, javën e kaluar në Cetinje, Mali i Zi ishte në prag të konfliktit. Tensionet u ngritën kur, përkundër protestave të mëdha dhe pakënaqësisë së një pjese të mirë të publikut malazez, kreu i Kishës Ortodokse Serbe dhe qeveria malazeze vendosën të hipnin në fron Mitropolitin e ri të Malit të Zi dhe atë bregdetar, Joanikia, në të cilin kriza mund të përhapet mbi kufijtë malazezë në të gjithë rajonin, duke arritur kulmin e saj.

Kisha Ortodokse Serbe haptazi merr pjesë në destabilizimin e Malit të Zi më shumë si një organizatë ideologjike-politike sesa një kishë-fetare dhe tregon me gisht regjimin aktual të Aleksandar Vuçiqit. 

Related posts

Kurti e ftoi në takim për projektin e gazsjellësit, Haradinaj i përgjigjet me letër: Politizimi dhe njollosja e projektit të gazit është skandaloz

Admin

Flamuri UÇK –së vendoset në portën e oborrit të Ambasadës Serbe në Finlandë

Admin

Tetë të vdekur nga COVID-19 dhe 68 raste pozitive

Admin

Rusia me kërkesë urgjente dhe të drejtpërdrejt për BE-në e NATO-n, ka të bëjë me Kosovën

Admin

Inaugurohet “Qendra Nacionale e Xhudos” në Pejë – nderohen nga presidentja Vjosa Osmani xhudistet Nora Gjakova dhe Distria Krasniqi dhe trajneri Driton Kuka

Admin

Sveçla: Ka ashpërsim të retorikës nga Serbia, prania e Policisë nuk është provokim

Admin

This website uses cookies to improve your experience. We'll assume you're ok with this, but you can opt-out if you wish. Accept Read More

WP2Social Auto Publish Powered By : XYZScripts.com