DailyNews.mk
Избор од уредникот Ковид-19

Германија ни донира осум респиратори

Министерот за здравство, доц. д-р Венко Филипче денеска оствари средба со амбасадорката на Сојузна Република Германија, Н.Е. Анке Холштајн, по повод обезбедената помош од Амбасадата во справувањето со пандемијата од вирусот КОВИД-19, информираат од Министерството за здравство.

Станува збор за осум респираторни апарати, тип Дрегер Евита В 600, кои имаат модул и за инванзивна и за неинванзивна нега. Со оваа донација, се зајакнуваат капацитетите на јавните здравствени установи во земјава. Вкупната вредност на донацијата изнесува над 230 илјади евра, а таа е обезбедена преку Сојузната организација за техничка помош THW.

„Се радувам што медицинските апарати доаѓаат во вистинско време, кога е потребна помошта. Оваа донација е по иницијатива на сојузната Влада за време на германското претседателство во советот на Европската Унија, за помош на државите од Западен Балкан при пандемијата од ковид-19. Со оглед на актуелните состојби, главен акцент на нашето претседателство е справување со пандемијата и нејзините последици. Овде, во регионот на Западен Балкан сакаме да покажеме дека нашите партнери при борбата можат да се потпрат на нас. Германија досега го поддржува регионот со 15 милиони евра. Освен тоа, Европската Унија помага со 3,3 милијарди евра во кои Германија учествува со скоро една третина. Вкупната вредност на донацијата е 233 илјади евра, а се имплементираше преку германската сојузна агенција за цивилна заштита THW“, потенцираше амбасадорката Холштајн.

Министерот Филипче се заблагодари на германската амбасадорка Холштајн и Амбасадата на Германија за континуираната помош и досегашната успешна соработка во справувањето со вирусот КОВИД-19.

„Германија се докажа во целиот изминат период дека е нашиот најголем партнер во евроинтегративните процеси, но и во поддршката на здравствениот систем во оваа криза којашто го снајде целиот свет. Уште на почетокот на кризата донираа заштитна опрема, која беше дистрибуирана во јавно-здравствените установи. Донацијата од 8 респираторни машини се дистрибуирани во одделите за интензивна нега таму кадешто се лекуваат пациентите заболени од ковид. Оваа дополнителна опрема практично е еден сериозен дел од опремата на секое одделение за интензивна нега“, истакна министерот Филипче.

Воедно, министерот потсети дека неодамна во соработка со германската амбасада и невладината организација „Проект ХОПЕ“ беше обезбедена медицинска опрема за повеќе универзитетски клиники, меѓу кои: Клиниката за инфективни болести и фебрилни состојби, Клиниката ТОАРИЛУЦ и Клиниката за неврохирургија, а за Клиниката за детски болести се обезбеди опрема за реанимација со неинвазивна респираторна поддршка, наменета за предвремено родени деца, односно доенчиња кај кои е потребно подобрување на волуменот на белите дробови.

Related posts

Пратениците изгласаа продолжување на кризната состојба и прва фаза од законот за попис

Admin

Брисел: Последните нацрт заклучоци за проширување содржат „погрешно толкување на историјата”

Admin

Бугарија го блокира потпишувањето на договор со Фронтекс поради македонскиот јазик

Admin

Совет на амбасадори: Со воведување и второ државјанство за кандидатите за амбасадори се уриваваат темелите на државата

Admin

Лавров: Русија има добри односи со Хрватска

Admin

Транспаренси Интернешнл објави извештај за заробеноста на државите од Западен Балкан и Турција

Admin

This website uses cookies to improve your experience. We'll assume you're ok with this, but you can opt-out if you wish. Accept Read More