33.3 C
Los Angeles
August 8, 2022
DailyNews – MK
Maqedoni

Escobar: Për SHBA-në Kosova nuk është “çështje e hapur”, dëshirojmë të njihet nga të gjitha shtetet e BE-së

I dërguari i Posaçëm i Shteteve të Bashkuara për Ballkanin Perëndimor, Gabriel Escobar, tha se për Shtetet e Bashkuara, çështja e Kosovës “nuk është çështje e hapur”, pasi Uashingtoni dëshiron që Kosova të njihet prej të gjitha shteteve të BE-së dhe të anëtarësohet në organizata ndërkombëtare.

Ai tha se SHBA-ja mbështet “plotësisht dialogun e lehtësuar nga BE-ja”.

“Ne besojmë se ka një zgjidhje të përhershme për çështjen e targave të makinave. Besoj se jemi afër zbatimit e udhërrëfyesit për energjinë në veri, jemi afër nënshkrimit të marrëveshjes për të pagjeturit dhe shpresoj që palët do ta nënshkruajnë këtë marrëveshje shumë shpejt. Dhe sikurse sekretari [amerikan i Shtetit, Antony]Blinken u tha presidentes [Vjosa Osmani] dhe [Albin Kurti] kryeministrit të Kosovës kur ishin në SHBA, ne duhet të nisim diskutimin për Asociacionin”, tha ai.

Kosova dhe Serbia zhvillojnë diskutime në Bruksel nën ndërmjetësimin e BE-së, që nga viti 2011. Procesi i dialogut ka për synim normalizimin e plotë të raporteve.

Related posts

Prokuroria ende nuk ka vendosur nëse do të ketë përgjegjësi penale për zjarrin në spitalin modular në Tetovë

admin

Konferencë gjyqësore ndërkombëtare: Gjyqësia duhet të jetë efikase dhe e pavarur

admin

Agjenti i ASK-së dhe i amnistuari për “27 Prillin” kanë shantazhuar një biznesmen

admin