14.7 C
Los Angeles
May 23, 2022
DailyNews – MK
Kosovë

Berisha, Qeverisë: Mos diskriminoni veteranët e luftës, pensionet e tyre të jenë në nivel të pagës minimale

Deputeti i AAK-së, Bekë Berisha në seancën e sotme ka thënë se projektligji për pagën minimale është diskriminues ndaj kategorisë së veteranëve të luftës, pasi që kjo kategori përjashtohet nga rritja e pensionit të tyre.

“Ligji aktual për trajtimin e temës së pagës minimale e ka specifikuar që pensioni i veteranëve të luftës se UÇK-së duhet të jetë i barazvlefshëm me pagën minimale. Projektligjin që e keni sjell ju, parasheh që të largojë veteranët nga rritja e pensionit të tyre”, u shpreh Berisha.

Tutje, Berisha shtoi se shumica e veteranëve janë në gjendje të rëndë sociale dhe një numër i madh i tyre varen nga ky pension.

“Veteranët pensionin nuk e kanë si shpërblim, ashtu siç e kanë vendet e tjera por e kanë burim të ekzistencës, dhe në qoftë se e marrin këtë pension nuk mund të punojnë diku tjetër”.

“Ne e shohim këtë qasje si diskriminuese ndaj kësaj kategorie të nderuar të vendit, që i dhanë edhe gjymtyrët për lirinë e vendit, andaj kërkojmë që ky nen diskriminues i propozuar nga ju të largohet  në mënyrë që pensionet e tyre te jenë ne vije me pagën minimale”, përfundoi Berisha.

Related posts

Vaksina për mbrojtje nga kanceri në mitër, së shpejti në Kosovë

admin

Haradinaj: Liburn Aliu është baba i korrupsionit – të tregojë argat i kujt është

admin

Kuvendi pa seanca plenare që tri javë – kritikohen deputetët për angazhimin në zgjedhjet lokale

admin