22.8 C
Skopje, NM
30/07/2021
DailyNews.mk
Bota

Bashkimi Evropian i vendos sanksione ekonomike Bjellorusisë

Bashkimi Evropian vendosi sanksione mbi sektorët kyçë të ekonomisë bjelloruse dhe burimeve kryesore të të ardhurave për regjimin e udhëheqësit autoritar bjellorus Aleksandar Lukashenko.

Masat e reja kufizuese u prezantuan të enjten, në përgjigje të, siç u tha, “përshkallëzimit të shkeljeve serioze të të drejtave të njeriut në Bjellorusi dhe shtypjes së dhunshme të shoqërisë civile, opozitës demokratike dhe gazetarëve”.“Sanksionet janë edhe pasojë e uljes së detyruar të një fluturimi të kompanisë Ryanair në Minsk, më 23 maj, dhe ndalimit të gazetarit Raman Pratasevich dhe partneres së tij, Sofia Sapega, që ndodheshin në bordin e avionit”, tha Këshilli i BE-së, raportojnë mediet ndërkombëtare.

Regjimi i Lukashenkos është nën presion ndërkombëtar prejse ka nisur shtypjen brutale të opozitës dhe të medieve të pavarura, pas zgjedhjeve të diskutueshme presidenciale, që janë mbajtur në gusht të vitit 2020.

Opozita thotë se këto zgjedhje, që kanë nxjerrë fitues Lukashenkan, janë manipuluar, ndërsa Bashkimi Evropian, Shtetet e Bashkuara dhe vendet e tjera kanë refuzuar t’i njohin rezultatet dhe Lukashenkan nuk e konsiderojnë udhëheqës legjitim të Bjellorusisë.

Kriza ka arritur nivel tjetër në maj, pas incidentit me avion, i cili nga shumë vende është konsideruar si “rrëmbim shtetëror”.

BE-ja, Shtetet e Bashkuara, Britania dhe Kanadaja kanë sanksionuar edhe më herët Bjellorusinë, duke u vendosur ndalesa udhëtimi dhe duke u ngrirë asetet zyrtarëve të shtetit.

Sanksionet e fundit financiare përfshijnë kufizime ndaj Qeverisë bjelloruse për hyrje në tregjet e kapitalit të BE-së.

Këto kufizime vlejnë edhe për institucionet dhe entitetet financiare në pronësi të shtetit bjellorus.

Related posts

Biden pritet ta bëjë të detyrueshëm vaksinimin për punëtorët federalë

Admin

Hapet Ura e Peleshacit që lidh dy brigjet e Kroacisë

Admin

Armenia dhe Azerbajxhani fajësojnë njëra-tjetrën për shkelje të armëpushimit

Admin

Avancimi i talibanëve “përbën krizë ekzistenciale” për Qeverinë afgane

Admin

Kina ndëshkon me 18 vjet burgim një miliarder dhe kritik qeveritar

Admin

Katër persona vdesin pas rrëzimit të një aeroplani në Ukrainë

Admin

This website uses cookies to improve your experience. We'll assume you're ok with this, but you can opt-out if you wish. Accept Read More