24 C
Los Angeles
November 27, 2021
DailyNews – MK
Kosovë

Ambasada amerikane: Përfaqësuesi special Gabriel Escobar është duke punuar në dialogun Kosovë-Serbi

Ambasada e Shteteve të Bashkuara të Amerikës në Kosovë, ka uruar zëvendësndihmës sekretarin Gabriel Escobar, i cili edhe zyrtarisht tashmë është përfaqësues special i SHBA-së për Ballkanin Perëndimor.

Në një postim në Facebook, Ambasada amerikane uron përfaqësuesin e ri për Ballkanin Perëndimor, ndërsa thekson se Escobar tashmë është duke punuar në dialogun Kosovë-Serbi të lehtësuar nga Bashkimi Evropian.

“Urime përfaqësuesit të ri special në Ballkanin Perëndimor, zëvendës ndihmës sekretarit Gabriel Escobar! Ai tashmë është duke punuar në dialogun Serbi-Kosovë të lehtësuar nga Bashkimi Evropian, duke siguruar aderimin e rajonit në BE dhe duke ushtruar presion ndaj krerëve të Bosnjës për të çuar përpara reformën dhe për të respektuar sovranitetin/integritetin territorial të BeH”, thuhet në postimin e Ambasadës amerikane në Kosovë.

Ndryshe, gjatë të dielës Escobar ishte për vizitë në Bosnjë Hercegovinë, pas tensionimit të situatës atje.

Para vizitës atje, ai ka thënë se dëshiron t’u dërgojë mesazh qytetarëve të këtij vendi se nuk do të ketë luftë.

https://www.facebook.com/kosovo.usembassy/posts/7192556440770449

Related posts

Dështon sërish mbledhja e Kryesisë – Konjufca e cakton seancën: S’do të lejojmë shantazhet e Listës Serbe

admin

Burgu i Smrekonicës, aty ku të burgosurit punojnë, kanë bibliotekën e qendrën e fitnesit

admin

Kosova sot në heshtje zgjedhore

admin