39.8 C
Skopje, NM
29/07/2021
DailyNews.mk
Maqedoni TOP LAJM

AlternAtivA: Partia në pushtet fotografohet me të arriturat tona në kulturë

Shkup, 17 korrik – Ditëve të fundit në vendin tonë, derisa po afrohen zgjedhjet lokale, partia e gjelbërosur në pushtet, ka vijuar ta krekoset krenohet me të arriturat e opozitës shqiptare, e veçanërisht me projektet e Alternativës, kur ne qeverisnim me Ministrinë e Kulturës.

Të gjendur në këtë situatë, derisa ata pa u skuqur dhe pa i përmendur fare meritat e atyre që realisht i kanë kryer projektet, dëshirojmë që përmes këtij reagimi ta njoftojmë opinionin se projektet kulturore shqiptare në Ministrinë e Kulturës kanë përfunduar në kohën e Alternativës. Tash shohim vetëm foto-sesione, si çdoherë para fushatave zgjedhore.

Ndonëse opinioni shqiptar vendas e di mirë se cila është storja jonë në Ministrinë e Kulturës, duam t’ua kujtojmë këtyre shqiptarëve të gjelbërosur vetëm disa nga të arriturat tona në qeverisjen me dikasterin e kulturës gjatë viteve 2018-2020:

1) Gjatë qeverisjes sonë me Kulturën e përmbyllëm fazën e parë për Teatrin e Tetovës, ndërsa për fazën e dytë të projektit në fjalë kishim “ndërkëmbëza” të binomit LSDM-BDI, të cilët si partnerë koalicioni e bllokuan projektin;

2) Në kohën tonë u fillua dhe në afat rekord u përfundua projekti i Pallatit të Kulturës në Vrapçisht;

3) Gjatë qeverisjes së Alternativës me Kulturën u fillua projekti i Pallatit të Kulturës në Komunën e Bogovinës, ndërsa fatkeqësisht sivjet Ministria e Kulturës as nuk ka hapur konkurs për përmbylljen e këtij projekti;

4) Po ashtu edhe në Komunën e Likovës, gjatë qeverisjes sonë me Kulturën, e filluan punën për ndërtimin e Qendrës Kulturore në atë komunë, por – për fat të keq – edhe për atje Ministria e Kulturës këtë vit nuk ka hapur konkurs për vazhdimin e punimeve;

5) Projekti “Teatri Shqiptar” i Shkupit ishte një ndër projektet më të rëndësishme gjatë qeverisjes sonë. Ne arritëm t’i përfundojmë të gjitha procedurat për lëshimin në përdorim, por ishin ndërkëmbëzat e binomit LSDM-BDI që na bllokuan ta bëjmë pranim-dorëzimin. E tash, pak para zgjedhjeve lokale, shkon aty kryetari i partisë së gjelbërosur dhe fotografohet në meritat e dikujt tjetër.

Ndonëse njerëzit e kulturës e dinë fare mirë se kur ka pasur mbështetje për kulturën në vendin tonë, nuk mund të mos e theksojmë se pasi që ne e kemi vënë gozhdën e fundit të punës sonë në Ministrinë e Kulturës, këta që kanë ardhur pas nesh, përfshirë të gjelbërosurit dhe shqipfolësit e LSDM-së, le që nuk i kanë vazhduar ato punë dhe le që nuk kanë vazhduar aty ku e kemi lënë, por kanë shkuar duke e degraduar kulturën shqiptare njësoj si në kohën e Gruevskit.

Për fund po ju kujtojmë se, gjatë qeverisjes sonë me Kulturën, ne i ndamë 45% nga buxheti për kulturën shqiptare, ndërsa ata pa u skuqur fare i pengojnë projektet kulturore shqiptare, ndërsa fotografohen me projektet tona.

AlternAtivA – Shkup

Related posts

Milikije Halimi i jep fund problemit disa dekadash të ujit, Haraçina me uji pa ndërprerje

Admin

RMV/ Për herë të parë, sulmi ndaj mjekëve barazohet me sulmin ndaj personave zyrtarë

Admin

Lëvizja Besa zgjedhë strukturat e saj në Novosellë të Bogovinës, lëvizja po ritet

Admin

Mbeturinat dhe uji i pijshëm problem në komunën e Tearcës

Admin

Bashkia e Shkupit të premten me spërkatje kundër mushkonjave

Admin

VMRO: MPB nuk është funksionale, letërnjoftime nuk ka më shumë se 20 ditë

Admin

This website uses cookies to improve your experience. We'll assume you're ok with this, but you can opt-out if you wish. Accept Read More