Presidenti rus, Vladimir Putin dhe kryeministri izraelit, Benjamin Netanyahu, diskutuan sot në një bisedë telefonike situatën në Lindjen e Mesme dhe marrëdhëniet dypalëshe, njoftoi Kremlini.
Thirrja erdhi përpara festimit të 80-vjetorit të kapitullimit të Gjermanisë naziste nga Rusia, i cili festohet si Dita e Fitores më 9 maj në Rusi.
“Putin u përcolli urimet për shëndet dhe mirëqenie veteranëve që jetojnë në Izrael”, tha Kremlini, ndërsa shtoi se udhëheqësit theksuan gjithashtu vendosmërinë e tyre për të mbrojtur të vërtetën rreth Luftës së Dytë Botërore dhe Holokaustit, duke denoncuar përpjekjet për të falsifikuar historinë.
Deklarata ruse vuri në dukje kontributet e Sovjetikëve dhe të Ushtrisë së Kuqe në rrëzimin e regjimit nazist, duke shtuar se 9 maji nderohet si festë si në Rusi ashtu edhe në Izrael.
Ndërsa Izraeli ka arritur të përmirësojë marrëdhëniet diplomatike gjatë luftës në Ukrainë, duke ruajtur lidhje të mira me të dy vendet, mësohet se një kompani ukrainase kërkon veprime ligjore në Izrael për të konfiskuar interesat ruse, duke cituar një vendim në Holandë.