Presidenti amerikan Donald Trump, së bashku me bashkëshorten e tij Melania, kanë mbërritur në Sheshin e Shën Pjetrit për të marrë pjesë në funeralin e Papa Françeskut, raporton BBC.
Ceremonia mortore do të mbahet të shtunën në orën 10:00 të mëngjesit, ku pritet të marrin pjesë mbi 200 mijë persona, përfshirë më shumë se 170 delegacione ndërkombëtare.
Mes liderëve botërorë që do të jenë të pranishëm për t’i dhënë lamtumirën e fundit Atit të Shenjtë, janë Presidenti i Shqipërisë Bajram Begaj, Presidenti i SHBA-së Donald Trump, Presidenti i Francës Emmanuel Macron, si dhe dhjetëra figura të tjera të rëndësishme nga e gjithë bota.