29.4 C
Los Angeles
August 10, 2022
DailyNews – MK
Uncategorized

Во Косово нови 13 починати и 637 заболени од Ковид

Бројката на жртви на пандемијата на Ковид-19 во Косово се искачи на вкупно 768 од појавата на болеста, откако минатото деноноќие починаа 13 од заразените од коронавирусот, јави дописникот на МИА од Приштина.

Во денешното соопштение на Националниот институт за јавно здравство на Косово се наведува дека, од вчера извршените 1.712 тестови со методот РТ-ПЦР (108.482 вкупно досега), позитивни на коронавирусот резултирале 637 лица.

Вклучително новозаболените, бројот на лица кај кои е откриен вирусот од почетокот на епидемијата се искачи на 24.792, а болеста досега ја совладале 15.722 лица. Во текот на вчерашниот ден како излекувани се евидентирани 104 пациенти.

Согласно официјалните статистики на косовските здравствено власти, во земјата во моментот има 7.798 активни заболени.

Поради зголемениот број на случаи, над 1.800 новозаразени и 36 починти во последните три дена, денеска беше одржана средба на министерот за здравство со косовските градоначалници, при што се разгледани евентуалните нови мерки за заштите од епидемијата.

Жариште на заразата е косовската престолнина Приштина, каде што досега се евидентирани речиси 9.000 заразени, а има и најголем број активни случаи. Во овој град, како и во неколку други општини во кои има висок процент заразени, се очекува воведување еднонеделен карантин.

Related posts

Пендаровски: Здравствените производи треба да бидат достапни за сите

admin

Сите се едногласни: Ова се 10те најубави жени во светот кои мажите ги оставаат без здив!

admin

Трамп тврди дека му се избришани 2,7 милион гласови

admin